|
- 帖子
- 19
- 主題
- 3
- 泰幣
- 320 B
- 註冊時間
- 2010-7-20
|
本帖最後由 joeybb929 於 2010-7-24 09:09 PM 編輯
我有打去租車公司架............但係佢哋唔得閒無理我 !!
其實個故事當中有好多嘢,真係唔知點樣講........................就由返當晚去到police station講起
14號發生咗事之後,有好多當地人幫助指停啲車...有個人同我講要我必需陪同傷者去醫院,但係我另一伴英語不太好,我又不能放低佢自己一個....但係又要我一定去............但當保險人員到場之後佢哋就散開以及將傷者送去醫院.....(事後我先知我係唔需要陪同前去架,佢哋想係醫院問我攞$$$ )
好啦,保險公司到咗,開始係度左睇右睇,問其他人事發經過,最後比咗份全泰文嘅from過我叫我簽名,,我唔肯.............警察又叫我簽名,我都唔肯話要等租車公司嘅人嚟!!就係咁激嬲咗個警察,跟住佢話我哋唔啱唔可以係哩到調頭,要我哋返警察局 ,去到落咗口供後就係坐係度等..等..等.. (啲口供都唔係我哋落架,係之前個police寫完張紙比咗個保險員再pass比警察局落口供個阿sir)..等咗個半個鐘到,,傷者家人嚟咗......(初頭都唔知係傷者家人,因為佢哋傾得好開心,哈哈大笑,唔知以為過嚟睇戲咋)..又等咗一個鐘....保險員話無警察嚟喎,佢話車我哋返酒店,叫我哋第二日即15號13:00再返去警察局........
返到mercure samui buri resort(啲員工勁正,勁好人)立即飛去櫃台揾人求救........傾咗個令鐘,就見到事發現場果2個police叔叔.......原以為佢哋好好人咁咁夜都走嚟講比我知個傷都無大礙,明天可以出院咁啦.......................其實佢哋又係想問我哋攞$$呀 ......好彩當時我哋仲係大堂無返房,,佢哋見多人,開唔到口問我攞$$就改咗要攞我哋嘅passport...
當晚我哋不斷上網揾資料,又打返去"香港人在外地遇事故"hotline........(個mr.wong主任無用架,唔理我哋又只係講啲癈話,,浪費我哋長途費......返嚟睇返張單要成2千幾呀.. )好彩揾到個名叫mrs sze(唔好意思,我唔可以留真名,因為佢話佢同我講過嘅嘢可能會令佢沾上麻煩)佢好有耐心咁教我哋如何去面對!!
第二日6月15號,13:00納通警察局
我哋比警局罰咗1000thb,,,跟住保險人員話要等醫院報告,叫我哋唔好走住...................其實我都知要同傷者家人傾數嘞...........但係佢哋又唔理我哋,我都唔知點開始傾...等多個令鐘,我頂唔住就開口問我租車公司嘅員工叫佢同傷者家人傾 (第二日酒店經理patrick已經幫我哋安排咗車去機場揾租車公司嘅員工,唔係都揾唔到人..)!!傷者家人死都唔肯要去醫院傾,話要等報告出,我立即打比mrs sze問佢點算,,((佢話 : 千萬不可以去,其實賠償問題係保險公司同佢哋傾,唔關我事,不過若果覺得俾少少$$個心會好啲的話就比啦,同我講攞返passport就可以走得架啦))mrs sze咁同我講,當堂打返支強心針咁,我幾大聲咁同傷者家人講,要傾就係度傾,我知我哋係唔需要賠償壬何$$比,但係我都唔想咁強硬,開個價比我,我趕住返酒店打返去領事館報平安,,,,,個阿媽呆咗一呆,打咗個電話後就同講要5000thb,我望一望租車員工,佢都呆一呆,,我就話得2000thb,無得多!!個阿媽又打電話嘞..........(嘩,啲戲開始嚟嘞 )收線後就開始喊咁口話個仔唔得嘞,好大獲,要多住2個禮拜院(但係一啲眼淚都必唔出,果刻睇見就想一蚊都唔想比)拉拉扯扯45分鐘,我同我男友開始火嚟,最後憑我男友嘅厲眼一啤,個阿媽最後收咗2000thb................件事就咁完咗!!
但係仲有一件事就係...究竟我要唔要比墊底費呢??合約上寫明由2000-10000!!!mrs sze都同講預咗佢哋要我比最高個價架啦咁.....
係17號我再取車時,,租車公司嘅職員只係叫我比300thb就完完全全完結件事!!!!!!
究竟果300thb係用嚟做乜嘅呢??我返到hk之後我要求租車公司比個合理答案我,佢哋嘅回覆係油費喎............................我攞咗架車後都無點開過車,因為我哋14號早上去了外島玩,而碼頭又係酒店行3mins嘅路程,,跟本就無點用過架車,,咁又何來要比油$$呀...............點都好啦,,若果比埋哩$$就真係完全結束的話我都會比架嘞.... |
|
發表於 2010-7-23 05:30 PM
| 
分享到你的facebook
咁我哋都幾有縁份喎~~~~我都係遅你一日走啊!!!
,,唔係唔想一早比$$了事,,係唔知點同佢哋講.......因為我哋當時只係得2千幾thb係身咋..............
發表於 2010-7-26 03:27 PM
| 
,
Taxi 佬要5000THB,最後比2000THB,because I don,t want lost my time
